«ԳԼՈԲԱԼ ԿՐԵԴԻՏ» ՈՒՎԿ ՓԲԸ-ն հայտարարում է մրցույթ՝ ISO/IEC 27001 տեղեկատվական անվտանգության կառավարման համակարգի ներդրման գործընթացի շրջանակներում արտաքին աուդիտի ծառայությունների մատուցման համար։

Մրցույթի նպատակը

Ընտրված կազմակերպությունը պետք է իրականացնի արտաքին աուդիտ՝ գնահատելու կազմակերպության տեղեկատվական անվտանգության կառավարման համակարգի համապատասխանությունը ISO/IEC 27001 ստանդարտի պահանջներին, բացահայտելու անհամապատասխանությունները, գնահատելու ռիսկերը և ներկայացնելու համապատասխան առաջարկություններ՝ համակարգի արդյունավետ ներդրման և հետագա սերտիֆիկացման գործընթացի ապահովման նպատակով։

Ծառայությունների շրջանակը

Մատակարարը պետք է ապահովի՝

1. Կազմակերպության գործող գործընթացների և փաստաթղթերի ուսումնասիրություն,
2. ISO/IEC 27001 ստանդարտի պահանջներին համապատասխանության գնահատում,
3. Անհամապատասխանությունների և բարելավման հնարավորությունների բացահայտում,
4. Աուդիտի արդյունքների վերաբերյալ հաշվետվության ներկայացում,
5. Խորհրդատվական առաջարկությունների տրամադրում՝ հայտնաբերված խնդիրների վերացման ուղղությամբ,
6. Ի հավելումն վերոնշյալ ծառայությունների, Մասնակիցը իր ցանկությամբ կարող է առաջարկել նաև աջակցություն ISO/IEC 27001 ստանդարտի հավաստագրման բուն գործընթացում (Համագործակցության հաստատում հավաստագրում իրականացնող կազմակերպության հետ, հավաստագրման գործընթացի կազմակերպում և ուղղորդում)՝ դրա մասին հայտի մեջ հատուկ նշում կատարելով և առանձին նշելով տվյալ հավելյալ ծառայության արժեքը: 

Մասնակիցներին ներկայացվող պահանջներ

Մրցույթին կարող են մասնակցել այն կազմակերպությունները, որոնք՝

1. Ունեն ISO/IEC 27001 ոլորտում աուդիտների կամ խորհրդատվական ծառայությունների իրականացման փորձ,

1. Ունեն առնվազն 5 տարվա փորձ կառավարման համակարգերի ներդրման և կազմակերպությունների խորհրդատվության ոլորտում։
2. Համապատասխան որակավորում ունեցող մասնագետներ, ներառյալ՝ ISO/IEC 27001 Lead Implementer և/կամ Lead Auditor հավաստագրում ունեցող փորձագետներ։
3. Առավելություն կտրվի այն ընկերություններին, որոնք կարող են ապահովել տեղում խորհրդատվություն և օպերատիվ աջակցություն Հայաստանի Հանրապետությունում գործող կամ մշտական տեղական ներկայություն ունեցող ընկերություններին։

Առևտրային առաջարկում ներկայացվող տեղեկատվություն

1. Մասնակիցները պետք է ներկայացնեն՝
2. Կազմակերպության համառոտ նկարագիրը,
3. Նմանատիպ աշխատանքների փորձը,
4. Ներգրավվող մասնագետների տվյալները և որակավորումները,
5. Աշխատանքների իրականացման մեթոդաբանությունը և ժամանակացույցը,
6. Ֆինանսական առաջարկը (առանց և ներառյալ ԱԱՀ),
7. Առաջարկի վավերականության ժամկետը։

Առաջարկների ներկայացման վերջնաժամկետ

Առաջարկները պետք է ներկայացվեն մինչև 30.06.2026թ. ժամը 16:00

հետևյալ էլեկտրոնային հասցեին՝ [email protected]